Жалал-Абадда интернет блогер кармалды. Ал чиновниктен пара талап кылганга шектелүүдө
1892
УКМК тарабынан интернет блогер кармалды. Ал опузалап акча талап кылганга шектелип жатканын коопсуздук комитеттен билдиришти.
Тема боюнча:
Маалыматка караганда, Д.С.М. аттуу блогер интернетте ар кандай чагымчыл макалалардын жарыяланышын токтоткондугу үчүн Ала-Бука райондук мамлекеттик мекемесинин жетекчисинен опузалап акча талап кылган.
Бул факты боюнча Кылмыш-жаза кодексинин 208-беренеси (Опузалап пара талап кылуу) менен сотко чейинки тергөө иштери башталган.
12-декабрда блогер 30 миң сом өлчөмүндөгү акча каражатын алып жаткан жеринен УКМКнын Жалал-Абад облусу боюнча башкы башкармалыгынын кызматкерлери тарабынан кармалды. Ал тергөө камак жайынын убактылуу кармоочу жайына киргизилди.
Учурда тергөө иштери улантылып жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanarip.kaktus.media/9600
