Бишкектеги мейманкада жашап кеткен кыз Жалал-Абаддагы үйүнө кайтып барды
4697
Бишкекте изделип жаткан 13 жаштагы Каныкей Жакшыбаева Жалал-Абаддагы үйүнө кайтып барды. Бул туурасында Ленин РИИБдин маалымат кызматынан кабарлашты.
13 жаштагы кыз 30-июлда таңкы саат 04:00 чамасында аман-эсен үйүнө кайтып барганын ата-энеси кабарлады. Учурда кыздын дайынсыз болушунун жагдайлары такталууда.
Эске салсак, 29-июлда өспүрүм кыздын жакыны милицияга кайрылган. Ал 25-июлда саат 17:00 чамасында Каныкей Жакшыбаева Жалал-Абаддагы үйүнөн чыгып кеткенин кабарлаган. Эртеси өспүрүм кыз Бишкектеги Турусбеков көчөсүндө жайгашкан мейманканада 2 күндүк жашоо акысын төлөп, 27-июль күнү саат 14:30га чейин мейманканада болуп, андан кийин чыгып кеткендиги аныкталган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanarip.kaktus.media/7690
