Муз тийгизбеңиз. Күнгө күйгөндө эмне кылууга болбойт?

Күнгө күйүп, эми эмне кылуу керектигин билбей жатасызбы? Анда бул маалымат сиз үчүн.

Күнгө күйгөндө эмне кылганга болбойт?

• Күйгөн жерлерге муз койбоңуз жана муздак сууга жуунбаңыз. Температуранын кескин төмөндөшү сезгентүүчү процессти тездетет.
• Эгер ыйлаакчалар пайда болсо, ийне же башка учтуу нерселер менен жарбаңыз.
• Терини курамында спирти бар заттар менен сүртпөңүз. Тери нымданууга муктаж болуп турган убакта, мындай каражаттар аны тескерисинче кургатат.
• Териге зайтун, күн карама жана башка өсүмдүк жана жаныбардардын майларын сыйпабаңыз.
• Жуунганда терини катуу жуунучу каражаттар менен жышып жуубаңыз.
• Териңиз калыбына келмейинче күн алдына коргоочу нерсеси жок чыкпаңыз. Жабык кийимдер менен чыгыңыз.

Күнгө күйгөндө эмне кылыш керек?

• Салкын сууга жуунуп, андан кийин нымдоочу кремдерди колдонуңуз.
• Көбүрөөк суу ичиңиз. Себеби тери күнгө күйгөндө сууну теринин үстүнө тартып, дененин башка бөлүктөрүнө жетпей калышы мүмкүн.
• Дене күнгө күйгөндө ага каршы каражаттарды колдонордон мурун дарыгерлер менен кеңешиңиз.