Эмне үчүн Улуттук банк менен акча алмаштыруу жайларында курстар эки башка?
Акча алмаштыруу жайлары жана коммерциялык банктар күн сайын өз иштерине жараша валютанын курсун белгилешет. Улуттук банк негизги валюталардын курсун да белгилейт жана көбүнчө базардан айырмаланат.
Эмне үчүн мындай?
Kaktus.media сайтына КР Улуттук банкынан билдиришкендей, валюталардын расмий курстары Улуттук банк тарабынан банктар аралык рынокто өткөн валюта соодасынын негизинде эсепке алуу жана эсептешүү үчүн аныкталат жана кийинки календардык күндөн тартып күчүнө кирет.
АКШ долларынын рыноктук курсу калктын да, ошондой эле ар кандай бизнес чөйрөлөрүнүн да чет өлкөлүк валютага болгон учурдагы суроо-талаптын жана сунуштун негизинде белгиленет.
Кыргыз Республикасынын мыйзамдарына ылайык, спот-алмашуу жана башка рыноктук алмашуу курстары сатуучу менен сатып алуучунун ортосунда эркин аныкталат.
Спот-алмашуу курсу кандай? Бул дароо же бүтүм түзүлгөндөн кийинки экинчи иш күнүндө бир валютаны башкасына алмаштыруу курсу.
"Башкача айтканда, накталай акча рыногунда, ошондой эле банктар аралык валюта рыногунда курстар чет элдик валютага болгон суроо-талап менен сунуштун негизинде белгиленет. Расмий жана рыноктук курстун айырмасы дүйнөлүк практикада, кадыресе көрүнүш жана айырманын эч кандай конкреттүү маанилери жок ",-деп түшүндүрүштү каржылык жөнгө салуу кызматынан.
Бул айырма рыноктун ликвиддүүлүгүнүн даражасына, чет өлкөлүк валютага суроо-талаптын жана сунуштун тең салмактуулугуна көз каранды жана белгилүү бир учурларда жогорулашы да, төмөндөшү да мүмкүн.
Улуттук банктын сайтында Улуттук банк чет элдик валюталардын сомго карата расмий курсун кандай аныктап жаткандыгы тууралуу бөлүм бар.
