Украинада каза болгон Эгемберди Дорбоев Россиянын "Эрдик" ордени менен сыйланды
Украинада каза болгон Эгемберди Дорбоев "Эрдик" ордени менен сыйланды. Бул маалыматты Kaktus.media редакциясына Россиянын элчилиги тастыктады.
Бүгүн, 25-мартта Ысык-Көл районунун Кара-Ой айылында каза болгон жоокерди акыркы сапарга узатуу зыйнаты өттү. Элчилик ал каза болгондон кийин Россиянын "Эрдик" ордени менен сыйланганын билдирди. Салт боюнча анын үй-бүлөсү бул орден, Россиянын желеги жана көк берет менен сыйланган, анткени ал Россиянын Украинадагы атайын операциясы учурунда күжүрмөн тапшырманы аткарып жатып каза болгон.
Эске салсак, 22-мартта Россиянын армиясында кызмат өтөгөн 20 жаштагы Эгемберди Дорбоев Украинадагы согуштук аракеттерде каза болгону белгилүү болгон. Ал 2021-жылы күзүндө аскерге чакырылып, андан соң келишим түзүп, Россия Федерациясынын Белгород облусунда өзүнчө чалгындоо батальонунда кызмат өтөгөн.
