Садыр Жапаров Кытайга учуп кетти. Делегациянын мүчөлөрү
3266
Бүгүн, 3-февралда Садыр Жапаров иш сапары менен Кытай Эл Республикасынын (КЭР) Пекин шаарына учуп кетти. Бул тууралуу президенттик аппараттын маалыматтык саясат кызматы билдирди.
Пекинде Кыргызстандын өлкө башчысы 2022-жылкы Кышкы Олимпиада оюндарынын ачылыш аземине катышып, Кытайдын төрагасы Си Цзиньпин менен жолугушат. Жолугушууда саясий, соода-экономикалык жана маданий-гуманитардык кызматташуунун актуалдуу маселелери талкууланышы пландалууда.
Кыргыз Республикасынын делегациясынын курамында Садыр Жапаровдон тышкары:
- Тышкы иштер министри Руслан Казакбаев;
- Президенттик аппараттын тышкы саясат бөлүмүнүн башчысы Жээнбек Кулубаев;
- Кыргызстандын КЭРдеги Атайын жана Ыйгарым укуктуу Элчиси Канайым Бактыгулова;
- Экономика жана коммерция министри - Данияр Амангелдиев;
- Транспорт жана коммуникациялар министри Эркинбек Осоев.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanarip.kaktus.media/5439
