Non Stop дуэти кайрадан чогуу. Чолпон Талипбек менен Максат Садырбеков кайрадан биригишти
Ырчылар Чолпон Талипбек менен Максат Садырбеков "Non-Stop" дуэти болуп, кайра биригишкенин жарыялашты. Бул тууралуу бүгүн, 22-ноябрда Бишкектеги маалымат жыйында белгилүү болду.
Алып баруучу Эркин Рыскулбековдун айтымында, дуэт Кыргызстандан Central Asia's Got Talent шоусунун калыстар тобунун катарында болот.
Чолпон Талипбек өзү: "Биз расмий түрдө Non Stop дуэтинин солисти болуп иштеп жатабыз", - деп билдирди.
"Биз кастинг аркылуу кыялыбызды ишке ашыра алдык. Силер да сөзсүз баргыла, өлкөбүз таланттарга бай. Сынактын өзгөчөлүгү - эч кандай чектөө жок. Ар ким каалаганын аткара алат. Биз буга катышканыбызга кубанычтабыз",-деп билдирди ал.
Эске салсак, Максат Садырбеков 2018-жылы жеке чыгармачылык карьерасын баштаганын жана Чолпон Талипбек менен сегиз жыл бирге ырдаган Non Stop тобунан кеткенин жарыялаган.
