ИИМ: Ысык-Көл облусуна массалык түрдө адамдар жеткирилди деген маалымат тастыкталган жок
Бишкектен Ысык-Көл облусуна массалык түрдө адамдар жеткирилип жатат деген маалымат тастыкталган жок. Бул тууралуу ИИМдин расмий өкүлү Султан Макилов басма сөз жыйыны учурунда билдирди.
Анын айтымында ИИМдин кызматкерлери "Ак-Жол" автовокзалынын директорун суракка алышкан.
Батыш автовокзалынын жетекчилиги массалык түрдө акысыз адамдарды ташуу маалыматы чындыкка жатпай турганын айтышкан. андан тышкары Ысык-Көл жана Нарын облусуна бара турган рейстердин бардыгы кадимки күн тартиби менен иштеп жаткандыгын далилдеген.
Андан тышкары, биз пассажирлерди да сурамжыладык, алар да маалыматты тастыкташкан жок, - деди Султан Макилов.
Макилов азыркы тапта, автовокзалдарда милициянын кызматкерлери кузөт кылып жаткандыгын кошумчалады.
Эске салсак, бүгүн, 10-январда, Кырызстанда мөөнөтүнөн эрте президенттик шайлоо жана башкаруу формасын тандоо боюнча референдум өтүүдө.
