Москвада кыргыз жараны полиция бөлүмүндө үч күн кармалып, колу сындырылган
Москвада полиция метро станциясында Кыргызстандын жараны Амантур Шамшидин уулун кармады. Бул тууралуу укук коргоочу жана активист Александр Ким жакындарына шилтеме берүү менен жарыялады.
Маалыматка ылайык, ал полиция бөлүмүндө үч күн кармалып, колу сынган. Үчүнчү күнү гана ага телефон менен сүйлөшүүгө уруксат берилип, андан кийин тез жардам бөлмөсүнөн колун гипстеген. Андан кийин алар полиция бөлүмүнө алып келишкен.
Активист Москва шаарынын Рязань районундагы Россиянын Ички иштер министрлигине телефон чалмакчы болгон, бирок аларда мындай кармалган адам жок экендигин айтышкан.
Кийинчерээк ал кыргыз жараны үйүнө чыгарылгандыгын айткан.
Кошумчалай кетсек, 26-июлда саат 15:00 чамасында Россияга беш күн мурун гана келген Кыргызстандын жараны Төлөбек Ботоканов иштеген жеринен себептерин түшүндүрбөй, укуктары жана милдеттери такталбай кармалган. Аны менен бирге Кыргызстандын дагы 13 жараны кармалган жана ошол учурдан бери алар камакта тамак-ашсыз, суусуз, туалетсиз турушат, ошондой эле кармалгандардан 500 рубль талап кылышкан жана майда бейбаштык жөнүндө протоколго кол койдурууга мажбурлашкан.
"Бул 500 рубль айып пул менен бүтпөйт, бул депортация кылууга даярдоо аракети", - деп белгилейт активист.
Белгилей кетсек, Москва шаарында мигранттарды кармоо аракеттери Кыргызстан менен Тажикстандын жарандарынын ортосунда болуп өткөн эки массалык мушташтан кийин тез-тез кайталана баштады.
