Казакстан Кыргызстанга мөөнөтү өтүп кеткен ун берет
5749
Казакстан Кыргызстанга гуманитардык жардам катары мөөнөтү өтүп жаткан 10 миң тонна ун тапшырды. Бул тууралуу Өзгөчө кырдаалдар министри Бообек Ажикеев 24-июнда министрлер кабинетинин жыйынында билдирди.
Анын айтымында, гуманитардык жардам бир-эки күн мурун келип түшкөн.
"Ун, тилекке каршы, жогорку нымдуулукка ээ. Сактоо мөөнөтү 2 айга чейин. Ошондуктан мен аны сатууну, андан түшкөн каражатты дан азыктарын сатып алууга жумшоону сунуштайм", - деди Өзгөчө кырдаалдар министрлигинин башчысы.
Ал кошумчалагандай, быйыл дыйкандардан 150 тонна дан сатып алуу пландалган, бирок түшүмдүн начардыгынан 10-15 тонна гана чыгат.
Буга жооп кылып, министрлер кабинетинин башчысы Улукбек Марипов унду сатуу механизмин иштеп чыгууну тапшырды.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanarip.kaktus.media/2245
