Шайлообек Атазов Айсулуу Мамашова менен болгон окуяга комментарий берди
Жогорку Кеңештин депутаты Шайлообек Атазов Айсулуу Мамашова менен болгон чатагы боюнча комментарий берди. Ал өзүнүн пикирин Фейсбукка жарыялаган.
Атазовдун айтымында, ал Мамашова менен эч кандай урушкан эмес жана аны билимдүү депутат, кадыр-барктуу үй-бүлөнүн өкүлү катары сыйлайт.
"Парламенттен алынган видео биз мушташып жаткандай тартылган. Бул анын артында турган депутаттар менен пикир келишпестик учуру болгон. Ошол учурда ал бизди бөлүп алганы келип, видеого түшүп калды. Бардык маселелер чечилди столдо келиштик", - деп жазган депутат.
Ал бейөкмөт уюмдардын өкүлдөрү аны каралоо үчүн шылтоо издеп жатышат деп эсептейт.
"Мен баарына жаккыдай доллар эмесмин" деп кошумчалады ал.
Эскерте кетсек, кечээ, 23-июнда, жыйында "Ата Мекен" фракциясынын депутаттары жаңы лидерди шайлоо боюнча талашып-тартышкан. Анын жүрүшүндө Мамашова менен Атазовдун ортосунда түшүнбөстүк болгон. Видеодон Мамашова ага бир нерсени далилдөөгө аракет кылып, Экмат Байбакпаев алардын ортосунда туруп, аларды тынчтандырууга аракет кылганын көрүүгө болот.
