"Унаа токтотуучу жайга айланды." Ак үйдүн жанына тосмо орнотуу пландалууда
Жогорку Кеңештин имаратынын жанына тосмо орнотуу пландалууда. Бул тууралуу парламенттен кабарлашты.
Буга чейин социалдык тармактарда имараттын жанындагы тосмону кайтарып берүүнү каалап жатканы айтылган. Басма сөз кызматы тоскоолдук жөнүндө гана экендигин тактады.
"Акыркы убактарда бөлөк-бөтөн адамдар Жогорку Кеңештин жанына автоунааларды токтото башташты. Бул тарап унаа токтотуучу жайга айланды. Буга байланыштуу тосмо орнотуу маселеси каралып жатат. Ал Логвиненко көчөсү тарапка гана жайгаштырылат. Панфилов көчөсүнүн жанынан баары адамдар үчүн ачык болот ", - деп билдирди басма сөз кызматы.
Эске салсак, Ак үйдүн дарбазаларын талкалоо Талант Мамытов спикер катары кабыл алган биринчи чечимдердин бири болгон. Ал муну эл өкүлдөрү иштеген имарат жарандар үчүн ачык жана жеткиликтүү болушу керектиги менен түшүндүргөн эле.
