Бишкектеги көчөлөрдүн ремонту болжол менен качан аяктай турганы айтылды

Бишкектин бир катар негизги көчөлөрүндө учурда капиталдык оңдоо иштери жүрүүдө. Мэрия ремонт иштери алдын ала качан бүтөрүн айтты.

Бүгүнкү күндө Байтик Баатыр/Абдрахманов, Ахунбаев көчөлөрүндө жана Жибек жолу проспектисиндеги жол оңдолууда.

Тема боюнча:

Бишкекте Совет көчөсүнүн бир бөлүгү оңдоо иштерине байланыштуу жабылат

• 20-августка чейин Ахунбаев көчөсүн Манас проспектисинен Жукеев-Пудовкин көчөсүнө чейин, Абдрахманов көчөсү Аалы Токомбаевден Жибек жолуна чейин бүтүрүү пландалууда.
• Чүй проспектиси Манас проспектисинен Төрөкул Айтматовго чейинки бөлүгүндө 18-июлда жарым-жартылай жабуу менен иш башталган, оңдоо иштерин 20-сентябрга чейин бүтүрүү пландалууда.
• Жибек жолу проспектисинин Тоголок Молдо көчөсүнөн Курманжан Датка көчөсүнө чейинки бөлүгүндөгү иштерди аяктоо 10-15-октябрга чейин пландалган. Бул мөөнөт проспектинин узундугун жана туурасын, ошондой эле аба ырайынын шарттарын эске алуу менен белгиленген.
• 16-июлда биринчи этап менен Юнусалиев көчөсү Сухэ Батор көчөсүнөн Сүйөркуловго чейинки бөлүгү жабылды.Капиталдык оңдоо иштери Сухэ Батор көчөсүнөн Горький көчөсүнө чейин пландалууда.
• Андан тышкары Манас проспектисинен 7-апрелге чейин Горький көчөсүн бойлой капиталдык оңдоо иштери пландалууда.

Мэрия курулуш мезгилин рационалдуу пайдалануу максатында көчөлөрдүн айрым участоктору бекитилген графиктен алда канча эрте жабылганын кошумчалады.

"Ремонт иштери графиктен 18-20 күн алдыда жүрүп жатат. Белгилей кетсек, иштин жүрүшүн такай көзөмөлдөө максатында жумуш жүрүп жаткан көчөлөргө онлайн камералар орнотулган", - дешти Бишкек мэриясынан.