Сокулукта 7 бала тарбияланып жаткан медресенин мыйзамсыз экенин аныкталды
Чүй облусунун Сокулук районунда өз билемдик менен иштеген медресе аныкталды. УКМКдан белгилешкендей, ведомстволор аралык комиссия текшерүү жүргүзүп, жыйынтыгында Дин жана билим берүү чөйрөсүндөгү мыйзамдар, ошондой эле архитектуралык-курулуш жана санитардык-эпидемиологиялык нормалар бузулгандыгы аныкталган.
Учурда медреселердин ишмердүүлүгү токтотулуп, окуучулар ата-энелерине өткөрүлдү, ал эми мыйзамсыз диний ишмердүүлүктү уюштургандарга "Дин тутуу эркиндиги жана диний уюмдар жөнүндө мыйзамдарды бузуу" боюнча каралган санкциялар колдонулууда.
УКМК балдарын диний окуу жайларга жөнөткөн ата-энелерди жана жарандарды медреселердин ишмердүүлүгүнүн мыйзамдуулугун алдын ала текшерүүгө, анын ичинде эсептик каттоого алуу, тийиштүү уруксат, лицензия жана белгиленген окуу программасынын бар, жогун текшерүүгө чакырат.
