Крим чөйрөдө Сакал аты менен жүргөн Улан Токтосунов Бишкектеги СИЗОго которулат
Крим чөйрөдө Сакал каймана аты менен таанылган Улан Токтосунов Нарындагы СИЗОдон Бишкектеги СИЗО-1ге которулат. Бул туурасында жактоочу Бакытбек Жумашев Kaktus.media сайтына билдирди.
Адвокаттын айтымында, Улан Токтосунов Түркиядан өз ыктыяры менен учуп келип, аэропорттон кармалганда Нарын шаарындагы СИЗО-4кө киргизилген.
"Мен бир нече жолу аны СИЗО-1ге калтыруу өтүнүчү менен бардык органдарга кайрылгам, бирок чечим өзгөртүүсүз калган: Токтосуновду СИЗО-1ге жайгаштырса, анда бул абалды туруксуздаштырууга алып келет дешкен. Токтосунов менен жолугуу үчүн Нарынга барууга туура келген. Ал 17 жылга эркинен ажыратылып, жазасын Нарында өтөөнү уланткан", - дейт Жумашев.
Бирок адвокатка бир нече убакыт мурда телефон чалып, Токтосуновдун камерасына спецназдар кирип, аны СИЗО-1ге которорун айтышкан.
Туугандары Жаза аткаруу мамлекеттик кызматынан, Башкы прокуратурадан жана бийлик өкүлдөрүнөн башка СИЗОго которбоону, Нарынга калтырууну суранышууда. Алар СИЗО-1ге которулса Дөө Чыңгыздын тагдырын кайталайбы деп чоочулашат.
