"Өткөндө эле каматпадым беле". №102 маршруттук таксидеги "чөнтөкчү" кармалды
1878
Социалдык тармакка уурулукка шектелген жигитти №102 маршруттук таксинин айдоочусу урушуп жаткан видео тараган. Айдоочу унаанын салонундагы балага "сени өткөндө эле каматпадым беле" деп жатканын көрүүгө болот.
Окуя 25-апрелде эртең менен болгон. Бишкектин Октябрь РИИБинен билдиришкендей, саат 10:00 чамасында нөөмөт бөлүмгө билдирүү түшкөн. Анда коомдук транспортто уурулукка шектүү жаран кармалганы кабарланган.
Жерине ыкчам топ барганда А.Н. аттуу жаран арыз жазып, капчыгын уурдаган адамга карата чара көрүүнү өтүнгөн. Капчыкта 12 миң сом болгон.
Сүрөт: Октябрь РИИБдин маалымат кызматы
Сүрөт: Октябрь РИИБдин маалымат кызматы
Учурда шектүү убактылуу кармоочу жайда, тергөө амалдары улантылып жатат.
Октябрь РИИБи №102 маршруттук таксинин айдоочусуна ыраазычылык билдирет жана жарандарды жеке буюмдарына сак болууга чакырат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanarip.kaktus.media/11851
