Мечитке барган жарандын буюмдары уурдалган. Шектүү камакка алынды
Бишкекте мечиттердин биринен уюлдук телефон, унаанын ачкычын жана башка буюмдарды уурдап кеткенге шектүү кармалды. ИИМдин маалымат кызматынан белгилешкендей, окуя 2022-жылы декабрь айында болгон.
Анда Бишкек шаарындагы конуштарынын бириндеги мечитке белгисиз жаран кирип, ар кандай каражаттарды уурдаган. Намаз окуп чыккан жаран буюмдарынын уурдалганын айтып, милицияга кайрылган.
Бул факты 205-берене (уурдоо) менен каттоого алынып, кылмыш иши козголгон.
Ыкчам иш-чаралардын жүрүшүндө мечиттеги камерага жазылган видео алынган. Анда белгисиз адам эл намаз окуй баштаганда кийимдер илинип турган жерден киймди алып чыгып кеткен.
Ыкчам кызматкерлер шектүү Алай районунун тургуну 1992-жылы туулган М.У. экенин такташкан. Ошондой эле ал мурда соттолгону маалым болгон. Шектүү кармалып, тергөөгө өткөрүлдү. Учурда тергөө иштери жүрүп жатат.
