Айрым ишкердиктин түрлөрүн милдеттүү лицензиялоонун мөөнөтү узартылды. Тизме

Министрлер кабинетинин төрагасы Акылбек Жапаров кол койгон документке ылайык, банктык эмес каржы рыногунда ишкердиктин айрым түрлөрүн лицензиялоо жөнүндө убактылуу жобону киргизүүнү 2022-жылдын 31-декабрынан 2024-жылдын 31-декабрына жылдырылды.

Тема боюнча:

Таксисттер лицензия менен иштөөгө милдеттендирилет. Дагы кандай чектөөлөр бар?

Жободо белгиленгендей, банктык эмес финансы рыногу чөйрөсүндө иштин лицензиялануучу түрү менен алектенүү каалоосун билдирген жеке жана юридикалык жактар, алардын уюштуруу-укуктук формасына жана менчигинин түрүнө карабастан, тиешелүү лицензия алууга милдеттүү.

Каржы рыногун жөнгө салуу жана көзөмөлдөө мамлекеттик кызматы банктык эмес финансы рыногу жаатындагы лицензиялоочу болуп саналат. Ал иштин төмөнкү түрлөрүнө жана аракеттерине лицензияларды жана уруксаттарды берет:

• Расмий лотерея уюштуруу боюнча ишкердик;

• Ломбарддардын иши;

• Камсыздандыруу уюму тарабынан жүзөгө ашырылуучу өмүрүн ыктыярдуу камсыздандыруу;

• Камсыздандыруу компаниясы тарабынан берилген ыктыярдуу жеке камсыздандыруу;

• Камсыздандыруу компаниясы тарабынан жүзөгө ашырылуучу ыктыярдуу мүлктүк камсыздандыруу;

• Камсыздандыруу компаниясы тарабынан жүзөгө ашырылуучу жоопкерчиликти ыктыярдуу камсыздандыруу;

• Камсыздандыруу компаниясы жүзөгө ашыруучу камсыздандыруунун милдеттүү түрлөрү;

• Кайра камсыздандыруу уюму жүзөгө ашырган камсыздандыруунун милдеттүү жана ыктыярдуу түрлөрү боюнча кайра камсыздандыруу;

• Камсыздандыруу брокеринин иши;

• Мамлекеттик эмес пенсиялык фонддун иши;

• Баалуу кагаздар рыногунда сооданы уюштуруу;

• Баалуу кагаздар рыногундагы брокердик;

• Баалуу кагаздарды топтоочулардын реестрин жүргүзүү;

• Баалуу кагаздар рыногундагы депозиттик иш;

• Баалуу кагаздар рыногундагы дилердик иш;

• Инвестициялык фонддун иши;

• Инвестициялык активдерди ишенимдүү башкаруу;

• Мамлекеттик же кызыктыруучу лотереяларды өткөрүү;

• Аудитордук иш;

• Актуардык иш.