Call-борбор: "Бишкексууканалдын" контролеру 5616 сом айып пул салынарын айткан
Kaktus.media`нын Call-борборуна шаар тургуну "Бишкексууканал" ишканасынын текшерүүчүсүнө нааразы болуп кайрылды.
Шаар тургунунун айтымында, ал батиринин эшигинин алдынан текшерүүчүнүн катын таап алган. Анда кызмат көрсөтүү үчүн акчаны тез арада төлөбөсө 5616 сом эсебине жазылары айтылган.
"Мен телефон чалып, эмнеге мындай билдирүүлөрдү калтырып жатканын сурадым, анткени мен өз убагында төлөйм. Алар менин суроомо "а балким төлөбөй жүргөндүрсүз?" дешти", - деди шаар тургуну.
Ошондой эле анын айтымында, "Бишкексууканал" ишканасынын текшерүүчүсү "Бишкекжылуулукэнергиясы" ишканасынын да кызмат акысын төлөө керектигин айткан.
Алардын ай сайын чогулткан эсеп көрсөтмөлөр жокпу? Айып үчүн мынча сумманы кайдан алып айтып жатышат?
"Бишкексууканал" ишканасынан Kaktus.media сайтына билдиришкендей, кагазда билдирүүнүн кыскартылган тексти көрсөтүлгөн.
Жалпысынан алганда, текст төмөнкүдөй көрүнөт:
"Урматтуу абонент! "Бишкексууканал" ишканасы сизге муздак суу эсептегич боюнча маалыматтарды көптөн бери көргөзбөй жаткандыгыңызды маалымдайт. Бишкектин суу түтүктөрү жана канализацияны колдонуунун 5.1.2 пунктуна ылайык, абонент ай сайын маалымат менен бөлүшүп турушу керек. Эгер, көрсөтмө жок болсо, эсеп ошол ай жана ага чейинки эки ай менен кошулуп, сууну колдонуунун орточо эсеби менен саналат. Ал эки ай акыркы көрсөтүлгөн айдын көрсөткүчтөрүнө ылайык туураланат.
Эреженин 11.12-пунктунда: "Эгер абонент "Бишкексууканалдын" өкүлүнө сууну эсептегичке тоскоолдуксуз кирүүнү камсыз кылбаса, пайдаланылган суунун көлөмү түтүктүн участогуна жана анын ылдамдыгына жараша эсептелет. 1 м/с күнү-түнү, башкача айтканда, сизге 5 616 сом өлчөмүндө эсеп жазылат.
Ишкана сизди тез арада контролер менен байланышып, суунун эсептик көрсөткүчүн көрүүгө мүмкүнчүлүк берүүңүздү суранат".
"Мындай билдирүүлөр суунун эсептегичтерин көргөзбөгөндөрдө, абоненттерге байланышууга мүмкүн болбогондорго калтырылат", - деп билдирди ишканадан.
